Խումբը ձևավորվել է 2016թ. դեկտեմբերին «X Factor 4» նախագծի սահմաններում ՝ Գարիկ Պապոյանի նախաձեռնությամբ։
Խմբի անդամներն են՝

Էմանուել Բաղդասարյան` ռեփ
Մարիամ Ադամյան` մենակատար

Էմանուել Բաղդասարյանը ծնվել է 1991թ. սեպտեմբերի 19-ին Երևանում։
1998-2006թթ. հաճախել է թիվ 102 միջնակարգ դպրոցը։
2006-2008թթ. տեղափոխվել և ավարտել է Վիլյամ Սարոյանի անվան թիվ 138 միջնակարգ դպրոցը։
2008թ. ընդունվել է Երևանի «Հայբուսակ» համալսարանի բժշկական ֆակուլտետի ստոմատոլոգիայի բաժին։
2009թ. մեկնել է զինվորական ծառայության։
2011թ. վերադարձել է ծառայությունից և շարունակել կրթությունը։
20 տարեկանից ինտենսիվ ստեղծագործում է ռեփ ժանրում։

Մարիամ Ադամյանը ծնվել է 1999թ. հունվարի 17-ին Երևանում։
Սովորել է նախ թիվ 191 միջնակարգ դպրոցում, այնուհետև՝  Երևանի «Շահամիր Շահամիրյան» կրթահամալիրում։
2011թ. ընդունվել է Հայաստանի Երգի պետական թատրոն։
ԵՊԹ-ի «Ամենից Ամենա» մրցույթում գրավել է առաջին տեղը։
2015-2016 և 2016-2017 թթ. դեկտեմբեր-հունվար ամիսներին խաղացել է ԵՊԹ-ի «Կախարդական դաշնամուր» մյուզիքլում։
2016թ. մասնակցել է «Նոր ալիք» միջազգային երաժշտական մրցույթին և հասել մինչև կիսաեզրափակիչ փուլ։
Այժմ սովորում է ԵՊՀ միջազգային հարաբերությունների ֆակուլտետի 1-ին կուրսում։